BOGIE'S BONNIE BELL
===================

Ae Whitsun Day in Huntly toon, it's there I did agree
Wi' Bogie o' Carnie, a six-month for tae fee
Tae drive his twa best horses, tae cart and herry and ploo
And dae ony thing aboot farm work that I very weel could do

Noo, Bogie had a daughter; her name was Isabell
She was the lily o' the valley and the primrose o' the dell
And when she went out walkin', she chose me for her guide
Doon by the burn o' Carnie tae watch the sma' fish glide

When six lang months had passed and gane, this lassie's lost her bloom
The red fell fae her rosy cheeks and her tears came tumblin' doon
When nine lang months had passed and gane, she brought forth tae me a son
And I was quickly sent for to see what could be done

I offered for to marry her, but ah, that wouldny dae
He said, "You're no a match for my Bonnie Bell, and she's no a match for 
ye"
Then he sent me packin' doon the road wi' nae penny o' my fee
So, a' ye lads o' Huntly side, a lang farewell tae ye

Noo, she's married a tinker chap, wha comes fae Huntly toon
Wi' pots and pans and ladles, he scours the counry `roond
And maybe she's gotten a better match, auld Bogie canny tell
But I was first tae win the heart o' Bogie's Bonnie Bell